Fjarnám

Fjarnám

Flestir áfangar sem kenndir eru í Menntaskólanum á Egilsstöðum eru einnig í boði í fjarnámi. Notað er fjarkennslukerfið Moodle sem vistað er á vefnum www.kennsluvefur.is. Kennt er samkvæmt nýrri skólanámskrá ME og er hverri önn skipt í tvær u.þ.b. 8 vikna lotur sem við köllum spannir (fyrri og seinni spönn). Sjá „Skólanámskrá“ undir SKÓLINN hér fyrir ofan til hægri.

Áföngum er yfirleitt lokið á einni spönn, sem þýðir að fjarnemar sem taka einn til tvo áfanga á spönn geta lokið allt að fjórum áföngum samtals á önn. Ekki er mælt með að teknir séu fleiri áfangar í einu með öðru námi eða vinnu, þar sem nám í spannarkerfi er á tvöföldum hraða miðað við hefðbundið annarkerfi. Þrír áfangar teljast vera fullt nám og er algjört hámark í fjarnámi.

Ath. Tekið er við umsóknum fyrir heila önn í einu og áföngum síðan raðað á spannir. Einnig getur verið möguleiki að koma beint inn á seinni spönn ef pláss leyfir. En vegna fjölda umsókna og þrengri fjárhagsramma skólans hefur því miður ekki reynst unnt að samþykkja allar fjarnámsumsóknir undanfarin misseri.

Vorönn 2017 er lokið og hafa lokaeinkunnir verið birtar í Innu. Kennarar og annað starfsfólk ME þakka fjarnemum sínum fyrir önnina og óska þeim gleðilegs sumars.

Skráning á haustönn 2017 er hafin, umsóknarfrestur er til og með 14. ágúst nk. Fyrri spönn haustannar hefst 21. ágúst. Ekki er boðið upp á sumarönn.


ME býður í samstarfi við 12 aðra framhaldsskóla á landsbyggðinni upp á fjarnám á starfsnámsbrautum undir nafni Fjarmenntaskólans. Nánari upplýsingar eru hér og á www.fjarmenntaskolinn.is.


ATHUGIÐ!  Mikilvægt er að fjarnemar hafi netfang og sæmilega góða nettengingu. Grunnforrit eins og ritvinnsluforrit og forrit til að skoða PowerPoint glærur, þurfa að vera til staðar, þekking nemenda á notkun þeirra og færni til að tileinka sér notkun kennsluvefs. Síðast en ekki síst þurfa fjarnemar að hafa tíma til að stunda námið!

Þeir nemendur sem eru með Hotmail eða Gmail netföng eru beðnir að athuga að líklegt er að fjölpóstur til þeirra lendi í möppu fyrir ruslpóst þar sem honum getur verið eytt eftir einhverja daga. Þetta getur átt við um póst frá ME, en er hægt að forðast með því að setja viðkomandi netfang á lista yfir örugg netföng (Safe List).

Nánari upplýsingar í síma 471-2500 eða hjá kennslustjóra fjarnáms, netfang fjarnam@me.is.

Hafðu samband

v/Tjarnarbraut
700 Egilsstaðir
Netfang: skrifstofa@me.is
Sími: 471-2500
Kt. 610676-0579