Um þessar mundir er jólaprófum í skólanum að ljúka. Einkunnir nemenda birtast  smátt og smátt í Innu en einkunnir verða einnig sendar í pósti til fjarnemenda. Á fimmtudaginn í næstu viku, 17. desember, verður prófsýning milli kl 16 og 17. Þá býðst nemendum að skoða prófúrlausnir sínar og útreikning einkunnar.

Föstudaginn 18. desember brautskrást jólastúdentar og nemendur af starfsnámsbrautum. Útskriftarathöfnin verður að þessu sinni haldin í hátíðarsal skólans og hefst hún klukkan 16. 

Þar með lýkur haustönninni á þessu skólaári og undirbúningur vorannar hefst. Nemendur, sem halda áfram námi, fá send bréf um vorönnina fyrir jól, en skólinn verður settur á þrettándanum, 6. janúar. Nánari upplýsingar um skólabyrjun birtast síðar.