Síðasta kennsluvika á þessari önn er hafin.  Kennslu lýkur kl. 16.00 á fimmtudag þar sem 1. maí er almennur frídagur.  Athygli er vakin á því að sömu reglur gilda um fjarvistir og venjulega alla vikuna, þ.e. að nemendur fá fjarvist ef þeir mæta ekki.   Heildarfjarvistir eru skoðaðar í lok vikunnar.
Við hvetjum nemendur til að mæta vel þessa síðustu viku því upplýsingar um áherslur í prófum og lesefni til prófs er veitt í öllum fögum og því mikilvægt að missa ekki af því.

Í kvöld, þriðjudaginn 21. apríl, verður opinn framboðsfundur með fulltrúum allra framboða í Norðausturkjördæmi.  Fundurinn hefst klukkan 20:00 og fundarstjóri verður Ásgrímur Ingi Arngrímsson.  Fundurinn verður á hátíðarsal ME.
Nemendur í stjórnmálafræði, undir stjórn Jóns Inga Sigurbjörnssonar kennara, hafa undirbúið fundinn og RUVAUST mun útvarpa frá fundinum.

Allir velkomnir.