Fréttir og greinar

Alltaf er verið að vinna í að betrumbæta skólastarfið og einnig skólahúsnæðið. Endurnýja það sem er orðið lúið af húsbúnaði og flíkka uppá. Liður í þessu var endurnýjun á nánast öllum rúmum á heimavistinni síðasta vor. Nú í haust komu svo ný húsgögn í anddyri kennsluhússins. Bláu pullurnar sem fylgt hafa skólanum lengi eru þó ekki horfnar, þær nýtast á neðri hæð kennsluhússins. Nýju húsgögnin bjóða upp á möguleika til samvinnu og samveru frammi ef skólastofurnar henta ekki. Sjón er sögu ríkari.

stolarsamvinna          heimavist 2

Árlega er boðið upp á áfanga í sviðslistum í tengslum við uppsetningu leikfélagsins ME á leikriti. Í ár er það Emilía Antonsdóttir Crivello sem kennir og leikststýrir. Áfanginn veitir grunnþekkingu í tækni og vinnu í sviðslistum. Nemendur kynnast ýmsum upphitunaræfingum og -leikjum og aðferðum spunavinnu auk þess að læra grunntækni í raddbeitingu, framsögn og hreyfingum á sviði. Einnig verður horft á upptökur af nokkrum sviðslistaverkum og verkefni unnin upp úr þeim.

Emelía starfar sem sviðshöfundur, leikstjóri, dramatúrg, danshöfundur og leiklistar- og danskennari. Hún hefur s.l. 11 ár kennt fjölmörgum nemendum bæði sjálfstætt og við ýmsa skóla, þar má nefna leiklist á leiklistarbrautum Fjölbrautarskólans í Garðabæ og Borgarholtsskóla, danssmíði í Klassíska Listdansskólanum og haldið regluleg dansnámskeið á Egilsstöðum undir nafninu Dansstúdíó Emelíu.

Emelía útskrifaðist af Sviðshöfundabraut Listaháskóla Íslands með BA gráðu í sviðslistum vorið 2015. Hún stundar nú Mastersnám í sviðslistakennslu við sama skóla.

Þegar eru 13 nemendur skráðir í áfangann en pláss fyrir fleiri. Ef einhverjir vilja bætast við er ráð að senda póst á áfangastjóra arnarsig(hjá)me.is eða skrá sig á listann í andyri kennsluhúss. 

Í fyrra var sett upp leikritið "Wake me up". Það verður mjög spennandi að sjá hvaða verk verður sett upp að þessu sinni.

Emilia      wakemeuphopur     

sviðslistir augl

Mánudaginn 8. október 2018 verður haldinn kynningar- og fræðslufundur fyrir foreldra á Fljótsdalshéraði, en kynntar verða niðurstöður úr rannsókninni Hagir og líðan ungs fólks, sem rannsóknarmiðstöðin Rannsóknir og greining standa fyrir ár hvert á landsvísu. Verður áhersla kynningarinnar á unglinga á Fljótsdalshéraði. Þá verður verkefnastjóri hjá Heimili og skóla einnig með erindi um mikilvægi foreldra í forvörnum og 18 ára ábyrgð.
Hvetjum við sérstaklega foreldra barna á aldrinum 12-18 ára til að mæta og láta sig málefnið varða, en allt áhugasamt er að sjálfsögðu velkomið. Unglingar eru hvattir til að mæta með foreldrum sínum.

Rannsóknir og greining og Heimili og skóli auglýsing
Fundurinn verður haldinn í hátíðarsal Egilsstaðaskóla kl.20:00.

Í morgun fengum við góða gesti í heimsókn, forseta Íslands Guðna Th. Jóhannesson og hans frú Elizu Reid ásamt föruneyti. Forsetinn gekk um skólann, ræddi við starfsfólk og nemendur og fór svo á sal skólans þar sem hann hitti alla nemendur og starfsmenn og hélt smá tölu ásamt því að svara spurningum. 

Guðni hvatti nemendur til að taka góðar ákvarðanir og njóta lífsins. Leita aðstoðar þegar á þyrfti að halda og njóta þess að hafa alskyns val um hvert þau vilja stefna. Nemendur spurðu spurninga og var að sjálfsögðu fyrsta spurningin um ananas á pizzu. Guðni fór yfir söguna um ananasinn á pizzuna og hvernig saklaus spurning fór sem eldur um internetið og rataði á fréttasíður CNN og fleiri miðla. Guðni var spurður um afstöðu sína til þess að sauðfjárbændur þyrftu að vinna jafnvel 2 vinnur til að hafa í sig og á þrátt fyrir að vera líka með búskap, hann var spurður um hvernig hann vildi beita sér í forvarnarmálum, þá var hann spurður hvaða titil hann myndi bera ef kona hans væri forseti. Hann var spurður um afstöðu sína til ESB og forseta Bandaríkjanna. Guðni svaraði öllum spurningum vel og af yfirvegun. 

Við þökkum Guðna og Elizu ásamt fylgdarliði kærlega fyrir komuna, það var afar ánægjulegt að fá heimsóknina.

Fleiri myndir úr heimsókninni má sjá hér

DSC 0517    DSC 0508     DSC 0556

Hafðu samband

v/Tjarnarbraut
700 Egilsstaðir
Netfang: skrifstofa@me.is
Sími: 471-2500
Kt. 610676-0579