Fréttir og greinar

Undanfarin misseri hefur ME unnið í því að setja sér gildi í skólastarfinu. Á vormánuðum tóku starfsmenn venjubundna könnun þar sem spurt var meðal annars út í hvaða gildi starfsmenn töldu mikilvægust varðandi skólabrag ME. Kennarar völdu þrjú efstu gildin virðingu, gleði og jafnrétti. Nemendur tóku svo könnun nú í haust þar sem spurt var sömu spurningar. Þeirra niðurstöður sýndu sömu eftstu þrjú gildin gleði, virðingu og jafnrétti. 

Í vikunni unnu kennarar með gildin og hvernig þeir gætu gert þau meira sýnileg í skólastarfinu. Niðurstöðurnar voru flottar og margt gott hægt að vinna úr þeim. Sama vinna fór svo fram í dag með öllum nemendum skólans. Nemendur unnu saman í hópum undir stjórn kennara. Greint var hvernig staðan væri í dag í skólanum varðandi gleði, jafnrétti og virðingu og svo settar niður hugmyndir að því hvernig við getum bætt þessi sömu gildi og gert þau meira áberandi í skólastarfinu. Unnið verður áfram úr þessum flottu hugmyndum og reynt að hafa gildin að leiðarljósi í skólastarfinu og leiðandi í skólabrag ME. DSC 0045

Hlökkum til að vinna að þessu áfram með nemendum og starfsmönnum. Það er svo sannarlega flottur hópur sem nemur og starfar í skólanum okkar.

Myndir frá hópavinnunni í dag má finna hér

MEallir gildi a

Nokkrir starfsmenn ME skelltu sér út að renna á sleða í hádeginu á föstudaginn með það eina markmið að hafa gaman! Myndir hafa verið birtar á Innstagram Menntaskólans, meðal annars video af herlegheitunum. Hvetjum alla til að fylgja ME á Instagram jafnt og öðrum samfélagsmiðlum. Alltaf gaman að sjá alla brosa og skemmta sér! Myndirnar tala sínu máli.

 

starfsmenn renna sér   starfsmenn á sleða 2   starfsmenn á sleða

Gettu Betur, spurningakeppni framhaldsskólanna, hefst í útvarpi næstkomandi mánudag. 28 skólar hefja þátttöku og hefur verið dregið í riðla. 

ME keppnir mánudaginn 7. janúar kl. 20:00 við FSu. Spurningakeppninni verður útvarpað á rás 2. Það lið sem vinnur viðureignina kemst áfram í 2. umferð keppninnar. 

Í liði ME að þessu sinni eru þau Jófríður Úlfarsdóttir, Björgvin Elísson og Jón Bragi Magnússon. Við óskum Gettu Betur liði ME góðs gengis, við fylgjumst spennt með.

Stuttar kennslustundir fyrsta kennsludag, 4. janúar, verða sem hér segir:

11:00     Áfangar í 1. blokk

11:30     Áfangar í 2. blokk

13:00     Áfangar í 3. blokk

13:30     Áfangar í 4. blokk

14:00     Áfangar í 5. blokk

Fimmtudaginn 20. desember voru 19 jólastúdentar brautskráðir frá Menntaskólanum á Egilsstöðum, 13 útskrifuðust af félagsgreinabraut 4 af náttúrufræðibraut, 1 af málabraut og og 1 af Félagreina- og náttúrufræðibraut. Athöfnin var í Egilsstaðakirkju og var í senn hátíðleg og skemmtileg. Eftir athöfnina var veisla í boði skólans og þar voru fjölbreytt lokaverkefni nemenda til sýnis.

Starfsfólk Menntaskólans óskar stúdentum og fölskyldum þeirra til hamingju með áfangann.

Hér má sjá myndir frá athöfninni og veislunni.

Hafðu samband

v/Tjarnarbraut
700 Egilsstaðir
Netfang: skrifstofa@me.is
Sími: 471-2500
Kt. 610676-0579