Samstarfsverkefni

Comenius

 Lifelong Learning Programme

Lifelong Learning Programme

 
Erasmus plus verkefni 2018- 2020- "Management game for future European managers"
 
Menntaskólinn á Egilsstöðum stýrir Erasmus plus samstarfsverkefni við skóla frá Spáni, Hollandi, Ítalíu og Finnlandi undir yfirskriftinni "Management game for future European managers". Verkefnið mun taka 36 mánuði og hefst nú á haustönn 2018 með upphafsfundi á Ítalíu. Nokkrar heimsóknir milli landa með nemendum og kennurum standa til, en sú fyrsta verður á Spáni í byrjun árs 2019. Þá fáum við gesti til okkar hér á Egilsstöðum vorið 2019. Ítalía verður heimsótt haustið 2019 einnig verður Holland heimsótt haustið 2019 og Finnland heimsótt vorið 2020. 
Verkefnið snýst í grunninn um að nemendur læra að stofna fyrirtæki með mismunandi áherslum í gegn um leik. Nánari upplýsingar um verkefnið sjálft eru væntanlegar eftir upphafsfundinn í nóvember.
 
Comeniusverkefni 2010 - 2012: "Young Europeans Make a Greener Europe"
 
Comenius-samstarfsverkefnið "Young Europeans Make a Greener Europe" snýst um að auka vitund nemenda á ábyrgð sinni í orkunotkun og hvernig þeir geta dregið úr kolefnisspori sínu, m.a. með því að bera sig saman við nemendur frá öðrum þátttökulöndum. Þátttakendur kynna sér reglur Evrópusambandsins um orkunotkun og kolefnislosun og fjalla um endurvinnslu og endurnýtingu. 
Nemendur miðla upplýsingum og vinna verkefni milli landanna og hittast í heimsóknum í öllum þátttökulöndunum. Þau læra að virða mismunandi skoðanir og aðstæður en vinna að sama markmiði. 
 
Í verkefninu eru ýmsar faggreinar samþættar, s.s. náttúrufræði, félagsfræði og tungumál. Með því móti gefst mörgum kennurum í hverjum skóla, og fjölbreyttum hópi nemenda, kostur á að taka þátt í verkefninu.
Nemendur fá einnig góða þjálfun í notkun upplýsingatækni sem ýtir undir og aðstoðar samskipti þeirra. 
Samstarfstungumál verkefnisins er enska.

Hafðu samband

v/Tjarnarbraut
700 Egilsstaðir
Netfang: skrifstofa@me.is
Sími: 471-2500
Kt. 610676-0579