Viðbótarnám til stúdentsprófs

Viðbótarnám til stúdentsprófs er ætlað nemendum sem hafa lokið iðnnámi (verk- og starfsnámi) með námslok á 3. hæfniþrepi. Markmið með námsleiðinni er að uppfylla þær lágmarkskröfur sem aðalnámskrá framhaldsskóla setur til stúdentsprófs. Sérhæfing nemandans er fólgin í starfsnámi hans. Mikilvægt er að nemendur skipuleggi nám sitt til að mæta aðgangsviðmiðum þeirrar námsleiðar sem þeir stefna á í háskóla.

Nánari upplýsingar um skipulag brautar á namskra.is

Nám á brautinni er 55 einingar en til að ljúka stúdentsprófi þarf nemandi að lágmarki 200 einingar. Til að hefja nám á 2. þrepi í kjarnagreinum þarf að uppfylla inntökuskilyrði á stúdentsbrautir skólans. Hér má sjá inntökuskilyrði á brautir skólans.

Nemendur þurfa að ljúka 200 einingum til að útskrifast með stúdentspróf. Vanti upp á einingafjölda bætir nemandi við sig einingum í frjálsu vali.